ئەلماز ڕۆمی وەكو ئێكەم ژنا كورد دبیتە سەرۆكا باژێرڤانییا كۆبانێ

ئەلماز ڕۆمی پۆستێ سەرۆكایەتییا باژێرڤانییا باژێرێ كۆبانێ یێ ڕۆژئاڤایێ كوردستانێ وەرگرت، دبیتە جارا ئێكێ د حكومەتا سووریا دا ژنەكا كورد ڤی پۆستی وەردگریت، كو ژلایێ پارێزگارێ حەلەبێ ڤە هاتبوو دەستنیشانكرن.
ئەلماز ڕۆمی دیاركر، هەبوونا وێ دڤی پۆستیدا بەرهەمێ خەباتا چەندین سالێن ژنێن كوردە، ئەوان پلانێن مەزن بۆ خزمەتكرنا كۆبانێ هەنە.
ئاشكرا ژی كر، ژبەر زیانێن شەڕێ 2014ێ گەلەك زیان گەهشتینە كۆبانێ، ئەڤ باژێرە پێدڤی ب ئاڤەدانكرنەكا جددییە، ئەوان پلان هەنە پرۆژەیێن تایبەت بۆ ژنان و ئەندازیارێن باژێرێ بجهبینن، دێ ب هەماهەنگی دگەل خەلكی، باژێری ئاڤەدانكەن.