بریکارێ وەزارەتا بازرگانی و پیشەسازییا هەرێما کوردستانێ دبێژیت، حکومەتا عێراقێ کۆژمێ 100 ملیار دیناران وەک شایستەیێن دارایی بۆ جۆتیاران ل سەرانسەری عێراقێ خەرج کرن، کو پشکا هەرێما کوردستانێ پترە ژ 12 ملیار دیناران.
ئەڤرۆ ئێکشەمبی، 03ـی گولانا 2026، سەروەر کەمال، بریکارێ وەزارەتا بازرگانی و پیشەسازی یا هەرێما کوردستانێ راگەهاند، حکومەتا عێراقێ بریارا خەرجکرنا 100 ملیار دیناران بۆ شایستەیێن دارایی یێن جوۆتیاران ل هەمی عێراقێ دایە و “ژ وی كوژمێ پارەیی 12 ملیار و 607 ملیۆن دینار پشکا هەرێما کوردستانێ نە”.
دەربارەی شێوازێ بەلاڤکرنا پارەیی ل سەر پارێزگەهێن هەرێما کوردستانێ، بریکارێ وەزارەتا بازرگانی گۆت، ئەڤ کۆژمێ پارەی دێ ب ڤی رەنگی هێتە بەلاڤکرن:
پارێزگەها هەولێرێ: 4 ملیار و 5 ملیۆن دینار.
پارێزگەها دهۆکێ: 3 ملیار و 672 ملیۆن دینار.
پارێزگەهێن سلێمانیێ و هەلەبجە: 4 ملیار و 930 ملیۆن دینار.