وەزارەتا پێشمەرگەیی دیاركر: چەند رۆژە دەنگۆیەک هاتییە بەلاڤکرن کو دبێژن هاریکاریێن ئەمریکا بۆ پێشمەرگەیی هاتینە راگرتن، ئەڤ دەنگۆیە بێ بنەمانە” هەروەسا و پرۆسا پشتەڤانیێ لدووڤ وێ لێکتێگەهشتنا هەڤپشک یا د ناڤبەرا وەزارەتا شەری یا ئەمریکا و وەزارەتا پێشمەرگەیی دا یا بەردەوامە، ژ پێخەمەتی سەرخستنا پرۆسا چاکسازییێ و ئێکخستنا هێزێن پێشمەرگەیی هاتییە ئیمزاکرن.
گۆت ژی: ب تنێ هاریکارییێن شەرێ ل دژی تیرۆرستێن داعش هاتینە راگرتن، ئەو ژی ژبەر کێمبوون و سنوورداربوونا چالاکیێن تیرۆرستێن داعش، بەلێ هاریکاریێن دارایی و لۆجیستی یێن ئەمریکا، کو لدووڤ خشتەکێ دەمی یێ دیارکری هاتینە رێکخستن، دووماهی ژڤانێ ب دووماهی هاتنا ڤێ لێکتێگەهشتنێ هەیڤا نەهـ یا سالا 2026ێ یە، دهێتە چاڤەڕێکرن ژی د دەمەکێ نێزیک دا، دانوستاندن بۆ ئیمزاکرنا لێکتێگەهشتنەکا نوو د ناڤبەرا وەزارەتا شەری یا ئەمریکا و وەزارەتا پێشمەرگەیی دا بهێتە ئەنجامدان.