وەزارەتا پێشمەرگەیی: وەزیرێ شەری یێ ئەمریکا تەكەزی ل سەر رۆل و پێگەهێ پێشمەرگەیی کرییە

وەزارەتا پێشمەرگەیی راگەهاند: د کۆمبوونا سەرۆکوەزیرێن عیراقێ و وەزیرێ شەری یێ ئەمریکا، نوونەرێ وەزارەتا وان پشكدار ببوو و تەكەزی ل سەر رۆلێ هێزێن پێشمەرگەیی هاتە کرن، ب تایبەتی د بەهنگاربوونا شەڕێ دژی داعشێ دا.
ئەڤرۆ چارشەمبی، 15ی تیرمەها 2026، وەزارەتا پێشمەرگەیی دیاركر، د کۆمبوونا دناڤبەرا عەلی زەیدی، سەرۆکوەزیرێن عیراقێ و پێد هیگسێت، وەزیرێ شەری ئەمریکا دا، لیوا روکن محەمەد سەعید وەک نوونەرێ حکومەتا هەرێما کوردستانێ پشكدار ببوو.
راگەهاندنا وەزارەتا پێشمەرگەیی ئاماژە ب تویتەکا وەزیرێ شەری کرییە، کو تێدا تەكەزییێ ل سەر هندێ دکەت، هێزێن پێشمەرگەیی و سوپایێ عیراقێ دێ هێزێن سەرەکی و بنەڕەتی بن بۆ برێڤەبرنا شەڕێ دژی داعشێ د قووناغا بهێت دا، ئەڤ چەندە ژی ب تایبەتی پشتی ب دووماهی هاتنا ئەرکێ فەرمی یێ هێزێن هەڤپەیمانییا نێڤدەولەتی ل عیراقێ.