وەزیرێ گەنجینا ئەمریکا: وێنێ ترەمپی ل سەر زێڕی دێ هێتە دانان

وەزارەتا گەنجینا ئەمریکا ب سەرپەرشتیا وەزیرێ گەنجینێ “سکۆت بێسێنت”، ب فەرمی راگەهاند کو دێ کۆینەکێ زێڕی یێ ئێک دۆلاری کو وێنێ سەرۆک دۆناڵد ترەمپ ل سەرە، هێتە بەرهەمهێنان.
ئەڤ پێنگاڤە وەک پشکەک ژ ئاهەنگێن سالیادا 250 سالیا سەربەخۆیا ئەمریکا دهێتە کرن کو دکەڤیتە د ئەڤ سالە دا .
ئەڤ راگەهاندنە ل رۆژا چارشەمبی، 15ی تیرمەها 2026، ژ لایێ بێسێنت ڤە ل سەر پلاتفۆرما “X”هاتە بەڵاڤکرن.
وەزیرێ گەنجینێ دیار کر کو ئەڤ کۆینە دێ وەک هێمایەکێ نیشتمانپەروەری، بهێزیا بهایێن ئەمریکا، و پاراستنا ئازادیێ بۆ هەمییان مینیت.
لدووڤ یاسایا فیدرالی یا ئەمریکا، دانانا وێنێ کەسەکێ زندی ل سەر دراڤێ فەرمی یێ ئەمریکا قەدەغەیە. لێ، ئیدارا ترەمپ و وەزارەتا گەنجینێ رێکارێن تایبەت ب کارئینانە داکو ڤێ یاسایێ دەرباز بکەن، ب تایبەت کو ئەڤ کۆینە وەک “کۆینەکێ بیرئانینێ یێ تایبەت” دهێتە ناساندن نەکو بۆ کارپێکرنا رۆژانە د بازاری دا.