کرێکارەك د هایدرۆپاورێ دێرەلۆکێ دا كه‌ڤت و گیانێ خوە ژ دەست دا

ژ ئەنجامێ کەفتنەخوارێ ل سەر پرۆژەیێ هایدرۆپاوەرێ دێرەلۆکێ کرێکارەکی گیانێ خوە ژ دەست دا.

شه‌ڤا پێنجشه‌مبی 18-2-2021 كرێكاره‌كێ پرۆژه‌یێ هایدرۆپاوه‌رێ دیره‌لێۆكێ ل سه‌ر وى پرۆژه‌ى كه‌فته‌ خوارێ و ژ به‌ر گرانییا برینێن وى گیانێ خوه‌ ژ ده‌ستدا.
ژێدەرەکێ ل ناڤا پرۆژه‌یێ ناڤهاتى بۆ خانی نیوز دیار کر، ئه‌و کرێکار ل سەر دیوارەکی بلند یێ شەش مه‌تری کەفتییە خوارێ و یەکسەر گەهاندیە نەخۆشخانا تەنگاڤییان ل ئامێدیێ.

گۆت ژى : پشتی بۆ ماوێ پتر ژ دەمژمێرەکی مایە د بن چاڤدێرییا نوژداران دا گیانێ خوە ژ دەست دایە.
وی ژێدەری دیار ژی کر،  ئەو کرێکار خەلکێ وەلاتی ئیرانێ یە و پشتی ڤه‌كۆلینێن دەستپێکی و کاروبارێ فەرمی ب داوی دهێن دێ بۆ وەلاتێ وی هێتە ڤەگەراندن.

خانی نیوز، مەحموود نهێلی