<h3 style="text-align: justify;"><span style="font-size: 18pt;">رێڤهبهرییا نههێلانا ماددهیێن بێهۆشكهر دهستهسهركرنا سێ بازرگانێن ماددهیێن بێهۆشكهر ل ههرێما كوردستانێ ب ههڤكارى دگهل ئاسایشا كهركووكێ راگههاند و ئاماژه ب هندێ دا، دهست ب سهر هزاران دۆلاران و زێدهتر ژ ئێك كیلۆ و 500 گرامێن ماددهیێن بێهۆشكهردا هاته گرتن.</span></h3> <h3 style="text-align: justify;"><span style="font-size: 18pt;">رێڤهبهرییا نههێلانا ماددهیێن بێهۆشكهر ل ههرێما كوردستانێ دراگههاندنهكێدا دهستهسهركرنا سێ كهسان ب تومهتا كرین و فرۆتنا ماددهیێن بێهۆشكهر ب هاریكارییا پشكا لڤینێن رێڤهبهرییا ئاسایشا كهركووكێ ل باژێرێ ههولێرێ راگههاند.</span></h3> <h3 style="text-align: justify;"><span style="font-size: 18pt;">ل دووڤ راگههاندنا رێڤهبهرییا نههێلانا ماددهیێن بێهۆشكهر یا ههرێما كوردستانێ، ل دهمێ دهستهسهركرنا ئهوان سێ تومهتباران، ههڤدهم دهست ب سهر ئێك كیلۆ و 600 گرامێن ماددهیێن بێهۆشكهردا، سێ تهرازوو و نههـ هزار دۆلاران كو پارهیێ فرۆتنا ماددهیێن بێهۆشكهربوون هاته گرتن.</span></h3> <h3 style="text-align: justify;"><span style="font-size: 18pt;">رێڤهبهرییا نههێلانا ماددهیێن بێهۆشكهر بهحس ل هندێ ژى كر، ئێك ژ وان تومهتباران بهلگهیێن بكارئینانا گهنجێن سنێله دگهلدابوون، لێكۆلین دگهل وان تومهتباران دستپێكر و دێ رووبروو قانوونێ بن.</span></h3>
