سێ پیشه‌كار بۆ جهگرتنا ڤینیسیۆسى ل به‌ر ده‌ستێن دهۆكێ نه‌

یانه‌یا دهۆك سێ پیشه‌كار بۆ جهگرتنا هێرشبه‌رێ به‌رازیلى دۆمینیك ڤینیسیۆسى ده‌ستنیشانكرینه‌ و ره‌نگه‌ ل ده‌مێن بهێن هه‌ڤبه‌ستێ دگه‌ل ئێك ژ وان گرێبده‌ت.

ژێده‌ره‌كێ تایبه‌ت بۆ ئاژانسا خانى دیاركر، پشتى یانه‌یا دهۆك ژ ئه‌گه‌رێ سه‌رنه‌كه‌ڤتنا هێرشبه‌رێ به‌رازیلى دۆمینیك ڤینیسیۆسى دپشكنینێن نۆشداریدا هه‌ڤبه‌ستا وى هه‌لوه‌شاندى، هژماره‌كا یاریكه‌رێن پیشه‌كار شیانێن خوه‌ بۆ جهگرتنا وى پێشكێشكرینه‌، دنوكه‌دا یانه‌ لێگه‌ریانێ دكه‌ت و سێ یاریكه‌ر ده‌ستنیشانكرینه‌ كو هه‌ڤبه‌ستێ دگه‌ل ئێك ژ وان گرێبده‌ت، ئێك به‌رازیلییه‌، ئێك كامیرۆنى و یێ دى ژى غانییه‌.

سه‌باره‌ت به‌رهه‌ڤییێن یانه‌یا دهۆكێ بۆ وه‌رزێ نوو یی خۆلا عیراقێ ئه‌وێ دێ ل ژێر چاڤدێرییا خۆلا ئسپانیا و ناڤێ ب خۆلا پیشه‌كاران هێته‌ ب رێڤه‌برن دیاركر، یانه‌ی ل سه‌ر راهێنه‌رێن خوه‌ یا به‌رده‌وامه‌ و دبیت ل ده‌ستپێكا حه‌فتییا بهێت به‌ره‌ڤ وه‌لاتێ توركیاڤه‌ بچیت و كه‌مپه‌كێ راهێنانان ل وێرێ ب دانیت، كو دپلاندایه‌ ئه‌و كه‌مپه‌ بۆ ماوێ 10 رۆژان یێ به‌رده‌وام بیت و دوو یارییێن هه‌ڤالینى بكه‌ت.