کارگەهه‌كا دروستکرنا شه‌ربه‌تا فێقی ل دهۆكێ دهێته‌ دروست كرن

ئاژانسا خانی:

رێڤەبەرێ گشتییێ چاندنێ ل دهۆکێ دیار كر: کارگەهه‌كا شه‌ربه‌تا فیقی ل ناحییا مانگێشکێ ل دهۆکێ دهێته‌ چێكرن، ئه‌و پرۆژه‌ نوكه‌ د قووناغا دووماهییێ دایه‌، جۆتیارێن دهۆكێ دێ مفایه‌كێ باش ژ وێ كارگه‌هێ بینن و ئه‌و كارگه‌هه‌ دشێت ب هزاران ته‌نێن فێقی وه‌ربگریت و بكه‌ته‌ شه‌ربه‌ت.

ئەحمەد جەمیل، زێده‌تر گۆت: کارگەها چێكرنا شه‌ربه‌تێ ل پارێزگه‌ها دهۆکێ ل مانگێشکێ دهێته‌ دروست كرن و نوكه‌ د قووناغا دووماهییێ دایە، ئامیرێن پێدڤی دێ بۆ هێنه‌ دابین كرن و دێ ته‌مام بیت و ئه‌ڤ پرۆژه‌ دێ خزمه‌ته‌كا باش ب جۆتیارێن پارێزگه‌ها دهۆكێ كه‌ت.

ئەحمەد جەمیل گوتیشی: ئه‌ڤه‌ گاڤه‌كا گرنگه‌ بۆ ساخکرنا بەرهەمێن جوتیاران و دێ بیته‌ پشته‌ڤانییه‌كا باش بۆ جۆتیاران و رۆژانه‌ دێ جۆرێن شه‌ربه‌تان به‌رهه‌م ئینیت، ب تایبەتهی شه‌ربه‌تا تری و سێڤان.