لاهۆر شێخ جهنگى دپهیامهكێدا ل سهر ئهكاونتێ خوه یێ فهیسبۆكى دیاركر، بهرپرسێن ئێكهتییێ بریارهكا سهپاندى و نهقانوونى و نهپرهوى و پێشلكرنا ههموو پرهنسیپ و رێكارێن حزبى دایه و دێ ئێكهتییێ ژێك جۆدابوونهكا مهزنڤه بهن، چ جاران د مێژوویا ئێكهتییێدا كۆنگرهیهكێ ب ڤى جۆرى نههاتییه كرن كو حزبێ بهرهڤ ژ ناڤچوون و وێرانبوونا زێدهتر ببهت.
دیار ژى كر، كۆنگرهیهك كو گوهدارییا سهركرده و خهباتا چهندین سالان نهكهت و ئهزموونا وان پشتگۆهـ هاڤێژیت، ل دووڤ ئاست و خواستا كهسوكارێن شههیدان و بههرا پتر یا كادر و ئهندامێن وێدا بیت، كۆنگرهیهك چهند كهسان ب شێوهیهكێ نهیێ شهرعى دهستههلاتا وێ گرتییه و دڤێن بهرنامهیێ خوه ب زوورى ب سهپینن، و ل دووڤ حهز و بریارێن خوه یێن تاكرهوى هندهك كهسان ژ لیستهیا چهند 100 كهسى گازى هۆلا كۆنگرهى بكهن داكو دهستان بۆ وان ب قوتن، كۆنگرهیهك پێش وهخت ههلسهنگاندنا رهوشا ناڤخۆیى و دهڤهرێ و نێڤدهولهتى بۆ نههاتبیته كرن و ههناسهیا ئازادى و دیموكراسییێ دناڤ حزبێدا ب خهندقینیت، ئهنجامێن وێ دێ دروون بن و دێ چ مال وێرانییهكێ ب سهرێ ڤێ حزبێدا ئینیت.
