وهزارهتا خواندنا بلند و لێكۆلینێن زانستى یا حكومهتا ههرێما كوردستانێ بڕیارا داشكاندنێ ب رێژهیا 20% د كرێیا خواندنا ئێڤاران و پارالێل دا.
وهزارهتا خواندنا بلند و لێكۆلینێن زانستى یا حكومهتا ههرێما كوردستانێ ئهڤرۆ 4/4/2024 فهرمانا وهزارى یا ژماره 771 دهركر و تێدا بڕیارا داشكاندنێ د كرێیا خواندنا بهرایى (پارالێل، ئێڤاران و خواندنا بلند دپلۆما بلند، ماستهر و دكتۆرا) ل سهرجهم زانكۆ و پهیمانگههێن حكومى یێن ههرێما كوردستانێ و جڤاتا بلند یا كوردستانێ بۆ پسپۆریێن پزیشكى دا.
ئهڤا ل خوارێ دهقێ فهرمانا وهزارى یا وهزارهتێ یه:
“ب پشتبهستن ب كۆمبوونا ژماره 2 یا جڤاتا وهزارهتا خواندنا بلند و لێكۆلینێن زانستى/ تهوهرێ دوێ/ بڕگهیا دوێ، یا تایبهت ب وهرگرتنا كرێیا خواندنا پارالێل ژ قۆتابییان/ خوێندكارێن زانكۆیێن ههرێما كوردستانێ ل سهرجهم قووناغێن خواندنێ، خواندنا بهرایى (پارارێل + ئێڤاران) و خواندنا بلند (دپلۆما بلند، ماستهر و دكتۆرا) و ل سهرجهم زانكۆ و پهیمانگههێن حكومى یێن ههرێما كوردستانێ و جڤاتا بلند یا كوردستانێ بۆ پسپۆریێن پزیشكى، ل گۆرهى وێ دهستههلاتا ب مه هاتیه دان، مه بڕیار دا:
1. داشكاندنا ب بڕێ 20% ژ كرێیا خواندنا بهرایى (پارالێل + ئێڤاران) و خواندنا بلند (دپلۆما بلند، ماستهر و دكتۆرا) و ل سهرجهم زانكۆ و پهیمانگههێن حكومى یێن ههرێما كوردستانێ و جڤاتا بلند بۆ پسپۆریێن پزیشكى.
2. ب پشتبهستن ب بڕیارا كۆمبوونا جڤاتا وهزیران ل رێكهفتى (27/3/2024) جارهكا دى بڕیار هاته دان ب داشكاندنا ب بڕێ 20% یا دى ژ وى بڕه پارهیێ ل دهف قۆتابى/ خوێندكاران مایى، زێدهبارى وێ رێژا داشكاندنان یا بهرى نوكه ژ لایێ وهزارهتا خواندنا بلند و لێكۆلینێن زانستى بڕیار ل سهر هاتیه دان.
3. ئهڤ داشكاندنه ب تنێ وى بڕه پارهى ب خۆڤه دگریت ژ سهرجهمێ وى پارهیێ ل دهف قۆتابییان/ خوێندكاران مایى دا بدهت ب زانكۆیێ.
4. سهرجهم ئهو قۆتابى/ خوێندكارێن ئهڤ بڕیارا لێخۆشبوونێ ژ وان دگریت پێدڤیه ههتا رێكهفتى 5/5/2024 ههمى پارهى ب قیست بدهنه زانكۆیان.
5. ئهڤ داشكاندنه ب تنێ بۆ سالا خواندنێ 2023-2024 ل سهرجهم قۆناغێن خواندنێ دێ هێته بجهئینان.
6. ئهڤ فهرمانه ژ رۆژا دهرچوونا وێ دێ هێته بجهئینان“.
