<h2 style="text-align: justify;"><span style="font-size: 18pt;">سهرۆك بارزانى ب ههلكهڤتا 126 سالییا دهركهڤتنا ئێكهم ڕۆژنامهیا كوردى كو ههڤدهمێ ڕۆژا ڕۆژنامهگهرییا كوردى و سالیادا دامهزراندنا سهندیكا ڕۆژنامهڤانێن كوردستانێیه، پیرۆزباهییێ ل ڕۆژنامهڤان و میدیاكارێن كوردستانێ دكهت.</span> <span style="font-size: 18pt;">سهرۆك بارزانى دیاركر، ئهركهكێ پیرۆز و ههستیار ل سهر ملێن ڕۆژنامهڤان و میدیاكارانه، كو پێكهاتینه ژ پێدانا زانیارى و هۆشیارى و ئاراستهكرن و پێشخستنا كۆمهلگههێ، دڤێ بیرهوهرییێدا، داخوازێ ژ ڕۆژنامهڤان و میدیاكارێن خۆشتڤییێن كوردستانێ دكهت، ئهركێ خوه ب شێوهیهكێ پیشهییانه بۆ گههاندنا ڕاستییان و ژ پێخهمهت ب هێزكرنا فهرههنگ و هۆشیارییا كۆمهلگههێ و وهلاتییان بجهبینن.</span> <span style="font-size: 18pt;">سهرۆك بارزانى ب پێدڤى دزانیت، ههردهم ل بیرا ڕاگههاندكار و ڕۆژنامهنڤیسێن كوردستانێ بیت كو میدیا و ڕۆژنامهڤانى ئامرازێن كاریگهرن بۆ نیاسینا دۆزا ڕهوایا گهلێ كورد و بهرگریكرن ژ ناسنامه و مافێن گهلێ كوردستانێ، د ههمان دهمدا ژى ئامرازن بۆ پاراستنا بهایان و كوورتركرنا فهرههنگا ئاشتیخواز و پێكڤهژیان و مرۆڤ دوستییێ دناڤ خهلكیدا.</span> <span style="font-size: 18pt;">سهرۆك بارزانی ل دووماهییا پهیاما خوه ڕاگههاند، سالیادا ڕۆژنامهگهرییا كوردى پیرۆز و هیڤییا سهركهڤتنێ بۆ ههموو ڕۆژنامهڤانێن كوردستانێ دخوازیت.</span></h2>
