سەرۆککۆمارێ ئیرانێ دبێژیت، ئاسایشا عێراقێ و هەرێما کوردستانێ ب ئاسایشا خۆ دزانین” دهربارەیی سەرهدانا سەرۆکێ هەرێما کوردستانێ بۆ تههرانێ گۆت، ”هیڤیدارم ببیتە هۆکارهك بۆ پێشڤهچوونا پەیوەندییێن سیاسی، ئابووری و ئەمنی دناڤبهرا مه دا.
ئەڤرۆ دوشەمبی 06-05-2024 ێ، ئیبراهیم رەئیسی، سەرۆککۆمارێ ئیرانێ پشتی کۆمبوونا ل گەل نێچیرڤان بارزانی، سەرۆکێ هەرێما کوردستانێ راگەهاند، ”ئیرانێ چ بەربەست بۆ پێشخستنا هاریکارییێن ئابووری و پەیوەندییا بازرگانی ل گەل هەرێما کوردستانێ نینن.”
ئاژانسا فەرمییا ئیرانێ (ئیسنا) دیار كرییه، رەئیسی گۆتییه نێچیرڤان بارزانی، “هیڤیدارم سەرهدانا ته ببیتە هۆکارهك بۆ پێشڤهچوونا پەیوەندییێن سیاسی، ئابووری و ئەمنی دناڤبهرا مه دا.” گۆت ژی، ”سنوورێ درێژ یێ دناڤبهرا هەردو ئالییان ب دەرفەتهكا ب بها دزانین بۆ بەرەف پێشڤهبرنا ئاستێ پەیوەندییان، بەلێ ئەمن و ئاسایش پێدڤییەکا بنەڕەتییە بۆ هەر جۆرە هاریکاری و پێکڤە کارکرنێ.”
