سەرۆکێ به‌رێ یێ کۆمیسیۆنا هەڵبژارتنێن عێراقێ دیار كر، هه‌تا سکاڵا مەسرور بارزانی ل دادگه‌ها فیدراڵی نه‌هێته ئێکلا کرن، ده‌مێ نوو بۆ هەڵبژارتنێن پەرلەمانێ کوردستانێ ناهێته دیارکرن و دهێته پێشبینی كرن هەلبژارتن دناڤبه‌را 15-09 بۆ 10-10-2024 بهێته كرن.
دوهی پەرلەمانێ عێراقێ خواندنا دووێ بۆ پرۆژە یاسایێ هەموارکرنا یاسایێ کۆمسیۆنا بلندا سەربەخۆیا هەڵبژارتنێن عێراقێ کر و نوكه لژنا یاسایی کاری ل سەر وی پرۆژە یاسایی دكه‌ت و پاشی ل پەرلەمانێ ده‌مێ خواندنا سێیێ بۆ دهێته كرن، ب مه‌ره‌ما درێژکرنا ژییێ ئەندامێن کۆمسیۆنێ؛ دێ دەنگ ل سەر وی پرۆژە یاسایی هێته دان.
سەربەست مستەفا، سەرۆکێ به‌رێ یێ کۆمیسیۆنا بلندا سەربەخۆیا هەڵبژارتنێن عێراقێ دیار كر: ئەگەر ئه‌و پرۆژە یاسایه بهێته پەسەند کرن، ژییێ جڤاتا کۆمیسیاران بۆ شەش هه‌یڤێن دی بهێته درێژ کرن” كو
ئارمانجا درێژکرنا ده‌مێ کارکرنا کۆمسیۆنا بلندا سەربەخۆیا هەڵبژارتنێن عێراقێ یه، بۆ سەرپەرشتییا برێڤه‌برنا هەڵبژارتنێن خولا شەشێ یا پەرلەمانێ کوردستانێیە.
