پارتی دیمۆكراتی كوردستان ئەڤرۆ و ل یادا 48 سالییا شورەشا گولانێ، ڕاگەهاندنەك بەلاڤكر.
د ڕاگەهاندنا پارتی دیمۆكراتی كوردستان دا هاتییە، دوپاتییێ ل پشتەڤانییا سازییێن سەروەرییا سەرۆكاتییا هەرێمێ و حكومەتەكا بهێز و سەرتاسەری دكەین، كو ل ئاست ئەركێن ڤێ قۆناغێ دا بن و بشێن وەك هەردەم ئێمناهییا كوردستانێ بپارێزن و ژین و ژیارا وەلاتییان بەرەف باشتر ببەن.
ئاماژە ب هندێ ژی دایە، سەرەڕای هەمی وان پیلان و دژایەتییا بەرامبەری مە هاتییەكرن، هێشتا پارتی وەك پێشڕەوا كوردایەتی و دەست نە داهێلانێ، ل مەیدانێ یە و ب پشتەڤانییا گەلێ كوردستانێ، پارتا ئێكەمە ل سەر ئاستێ عیراقێ و كوردستانێ.
دەربارەی هەلبژارتنان پارتی دیاركر، پشتەڤانییا كاراكرنا پەڕلەمانێ كوردستانێ ” ب هەلبژارتنەكا گەلی پەسەند دكەین كو پێدڤی ب ئێكرێزی و ئێك هەلویستییا نەتەوەیی و نیشتیمانییێ هەیە، ئەو ئێكرێزییا كو پارتا مە پترین نەرمی تێدا بكارئینای. “
