د كۆمبوونێدا، پهيوهندييێن بريتانيا ل گهل عیراق و ههرێما كوردستانێ، ڕەوشا عیراقێ ب گشتى، هەلبژارتنێن پهرلهمانی و ڕەوشا ناڤخۆ یا ههرێما كوردستانێ، پهيوهندييێن ههولێر ـ بهغدا و دانوستاندنێن چارهسهركرنا ئاریشەیێن دناڤبەرا وان دا هاتنە گوتۆبێژكرن.
ههردوولایان دووپات ل بهردهواميیا دانوستاندنان بۆ چارهسهركرنا ئاریشەیێن ههولێر ـ بهغدا ل سهر بنهمایێ دهستوور و پاراستنا مافێن ههمییان كر، نێچیرڤان بارزانی دووپات کر، کو کلیلا سهقامگێرییا عیراقێ، لێكتێگەهشتنا هەڤپشك یا ههولێر و بهغدایه بۆ چارهسهرکرنا بنهڕهت یا ئاریشەیان و بجهئینانا دهستووری.
ههروهسا نێچيرڤان بارزانى و باليۆزێ بريتانيا د هەڤڕابوون، ل سهر گرنگيیا ئهنجامدانا هەلبژارتنێن پهرلهمانێ كوردستانێ ب پشكدارییا ههمی لايهن و پێكهاتهیان د دەمەكێ گونجای و د ئەڤسالەدا. باليۆزێ بريتانيا ستایشا بزاڤێن سهرۆکێ ههرێما کوردستانێ کر ژ پێخەمەت ئەنجامدانا هەلبژارتنان.
