ب مەرەما دووڤچوون بۆ پرۆسا وەرگرتنا گەنمێ جوتیاران و ئاگەهداربوون لسەر گلە و گازندان، ئەحمەد جەمیل رێڤەبەرێ گشتییێ چاندنێ ل پارێزگەها دهۆکێ سەرەدانا رێڤەبەرییا چاندنا قەزا سێمێلێ کر و پاشی سەرەدانا سایلۆیا فەیدیێ کر و ژ نێزیکڤە هایداری پرۆسا وەرگرتنا گەنمێ جوتیاران بوو.
رێڤەبەرێ گشتییێ چاندنێ د سەرەدانا خۆ دا گۆهدارییا جوتیاران کر و هایداری ئاریشە و گرفتێن وان و سایلۆیێ بوو و دیار کر کو هەموو بزاڤ دهێنە كرن ئاریشە بهێنە چارەسەر کرن و پرۆسا وەرگرتنا گەنمی ب باشترین شیوە بڕێڤە بچیت، خواست كو ئاسانکری بهێنەکرن و ب باشترین شێوە ئەڤ پرۆسە بهێتە برێڤەبرن و سرا ترۆمبێلان ژی بهێتە رێکخستن.
