ئەڤرۆ ل سەلاحەددین سەرۆك بارزانی پێشوازی ل ئێرمان تۆپچو، كۆنسۆلێ نوی یێ توركیا ل هەرێمێ كر.
د دیدارێ دا کۆنسۆلێ نوی یێ تورکیا ل هەولێرێ سلاڤ و ڕێزێن وەزیرێ دەرڤە یێ توركیا گەهاندنە سەرۆك بارزانی و دۆپاتكر وەلاتێ وی ب هیڤییە باشترین پەیوەندی د بوارێن جوراوجور دا ل گەل هەرێما كوردستانێ هەبیت.
د پشكەكا دی دا بیروڕا ل دۆر سەرەدانا سەرۆك بارزانی بۆ بەغدا هاتنە ئالوگوركرن و كۆنسۆلێ توركیا ئەو سەرەدانە ب كارتێكەر و دیرۆكی وەسفكر.
سەرۆك بارزانی زێدەباری بەحسكرنا ئەگەرێن سەرەدانا وی یا حەفتییا بووری بۆ بەغدا، دۆپاتكر كو لێكتێگەهشتن و دیالۆك د چارچووڤێ دەستووری دا باشترین ڕێیە بۆ چارەسەركرنا كێشەیان.
د هەمان دەم دا سەرۆك بارزانی هیڤییا سەركەفتنێ بۆ كۆنسۆلێ نوی یێ توركیا خاست د ئەرك و كارێن وی دا. ڕەوشا سیاسی و دوماهی پێشهاتێن عیراقێ و دەڤەرێ تەوەرەكێ دی یێ دیدارا سەرۆك بارزانی و كۆنسۆلێ نوی یێ توركیا بوو.
