<h3>ئاژانسا خانی:</h3> <h3></h3> <h3>د. نههله قادر" ئهنداما پهرلهمانێ عیراقێ ژ فراكسیۆنا پارتی دیموكراتی كوردستان" بۆ ئاژانسا خانی دیاركر: ههمواركرنا یاسایێ بارێ كهسایهتی ل پهرلهمانێ عیراقێ ل حهفتییا بوری" هاتبوو پێشكێش كرن" داكو خواندنا ئێكێ بۆ بهێته كرن" بهلێ كۆمهكا ئهندامێن پهرلهمانێ عیراقێ ژ فراكسیۆنێن جودا یێن پهرلهمانی ل دژی ههمواركرنا وی یاسایی راوهستیان" ههروهسا گهلهك پهرلهمانتارێن عیراقێ ژ ژن و زهلامان ل دژی ههمواركرنا وی یاسایی بوون" دیسان پشتی چهندین ناكۆكییان ئهو بابهته هاته پاشئێخستن" بهلێ نوكه جارهكا دی چهندین پهرلهمانتارێن شیعی ئهو بابهته ئێخستییه د كارناما روونشتنا پهرلهمانی دا و وان دڤێت وی یاسایی ههموار بكهن و ئهو یێ بزاڤان دكهن خواندنا ئێكێ بۆ وی یاسایی بهێته كرن" بهلێ پرانییا پهرلهمانتارێن فراكسیۆنێن جودا یێن پهرلهمانێ عیراقێ ژ ناڤا هولا پهرلهمانی دهركهڤتن" داكو دهنگی ل سهر وی یاسایی نهدهن.</h3> <h3>ناڤهاتییێ گۆت ژی: ئهو یاسایێ بارێ كهسی یێ كو شیعا دڤێت ههموار بكهن" ئهوه كو مرۆڤ دشێت ههڤبهستا ههڤژینییێ ل دهرڤهیی دادگههێ چێكهت" دیسان ئهو یاسایه رێكێ ددهت" كو كچ ل ژییێ نههـ سالییێ شوو بكهت" د ههمان دهمدا كور ژی دشێت ل ژییێ 15 سالییێ ژنێ بینیت" ئهم ژی دبێژین" دڤێت یاسا سهروهر بیت" چونكی یاسا مافێ ژن و زارۆیان دپارێزیت" دیسان دڤێت كور و كچ د ژییێ 18 سالییێ ل دادگههێ بهێن مههركرن" بهلێ ئهو یاسایێ نوو دێ رێكێ دهت ل ژییێ نههـ سالییێ دا كچ شوو بكهت" لهوا ئهم ل دژی ڤی یاسایی نه" ئهم دێ بزاڤان كهین كو ئهو بابهته ل ناڤا هولا پهرلهمانی خواندن بۆ نههێته كرن.</h3> <h3>د. نههله هێشتا دبێژیت: هێشتا گهلهك قووناغ ماینه كو ئهو یاسایه بهێته ههمواركرن و هێشتا خواندنا دووێ بۆ نههاتییه كرن" د ههمان دهمدا ئهڤه بابهتهكێ ب مهترسییه ل سهر ژنان ل عیراقێ و ب تایبهتی ژی ل سهر شوودانا كچان د ژییهكێ بچووك دا" ئهڤ چهنده دێ بیته ئهگهر كو گهلهك كێشێن جڤاكی ل عیراقێ رووبدهن" چونكی د ی ژییێ بچووك دا ئهو كهسه دێ چاوا شێن وێ خێزانێ برێڤهبهن؟" ئهڤه دێ بیته ئهگهر كو كێشا ژێكڤهبوونێ ل عیراقێ زێده ب بیت" ل گهل هندێ ژی نوكه عیراق د هێلا مهترسییێ دایه د بابهتێ ژێكڤهبوونێ دا" ژبهركو نوكه رێژا ژێكڤهبوونێ ل عیراقێ گهلهك زێدهبوویه ل دادگههێ و ئهڤ بابهتێ ههمواركرنا بارێ كهسایهتی ژی دێ رهوشێ گهلهك ئالۆزتر لێكهت.</h3>
