وه‌زاره‌تا دارایى و ئابوورییا هه‌رێما كوردستانێ ڕوونكرنه‌ك ل دۆر مووچه‌ى به‌لاڤكر و د چه‌ند خاله‌كاندا ئه‌گه‌رێن گیروبوونا مووچه‌ى دیاركرن.
وه‌زاره‌تا دارایى دیاركر، ئه‌گه‌رێ نه‌هنارتنا مووچه‌ى په‌یوه‌ندى ب پاره‌یێ كاشڤه نینه، به‌لكو بابه‌ت سیاسییه، 31 ڕۆژه وان لیسته‌یا مووچه‌ى هنارتى، لێ به‌غدا ب تنێ ئێك ملیار و 426 ملیۆن دینار هنارتینه.
سه‌باره‌ت ناڤێن دووباره دلیسته‌یا مووچه‌یدا ئاشكراكر، پشتى وان دووڤچوونا ڤى بابه‌تى كرى، ده‌ركه‌ڤت هنده‌ك كه‌سان ناڤێن وان یێن چارقۆلى وه‌كو ئێكن، لێ ناڤێن دایكێن وان و ته‌مه‌نێن وان دژێك جۆدانه، چ ئاریشه تێدانینن.
ل دۆر ئاریشه‌یا مامۆستا و كارمه‌ندێن په‌روه‌رده‌یا كه‌ركووكێ و فه‌رمانگه‌هێن دییێن وێ پارێزگه‌هێ یێن ل سه‌ر میلاكێ حكومه‌تا هه‌رێما كوردستانێ گوت: ئه‌ڤ ئاریشه یا كه‌ڤنه و ژ سالا 2003ێ وه‌ره یا به‌رده‌وامه و پێدڤى ب ڕێككه‌ڤتنا سیاسییه.
هه‌روه‌سا دیاركر، ل دووڤ بریارا دادگه‌ها فیدرالى دڤێت مووچه‌یێ فه‌رمانبه‌ر و خانه‌نشینێن هه‌رێمێ وه‌كو یێ فه‌رمانبه‌ر و خانه‌نشینێن عیراقێ لێ بهێت، له‌وما مووچه‌یێ هه‌یڤێن ( 6 و 7 ) یێن ئه‌ڤساله زێده‌بوویه، وه‌زاره‌تا داراییا هه‌رێما كوردستانێ مووچه‌یێ خانه‌نشینان هاوتاكرییه ب ڤێ چه‌ندێ 54 ملیار و 208 ملیۆن دینار زێده‌بووینه.
