مه‌سرور بارزانى سه‌رۆكێ حكومه‌تا هه‌ریما كوردستانێ پێشوازى ل كلاودیۆ كۆردۆن نوونه‌رێ تایبه‌تێ سكرتێرێ گشتییێ نه‌ته‌وه‌یێن ئێكگرتی ل عیراقی ب وه‌كاله‌ت كر، بابه‌تێ سه‌ره‌كییێ كۆمبوونێ یێ تایبه‌ت بوو ب ئاماده‌كارییێن هه‌لبژارتنێن په‌رله‌مانێ كوردستانێ.
نوونه‌رێ تایبه‌تێ سكرتێرێ گشتییێ نه‌ته‌وه‌یێن ئێكگرتى ل عیراقێ ب وه‌كاله‌ت، سوپاسییا پشته‌ڤانییا حكومه‌تا هه‌رێما كوردستانێ كر بۆ ئاماده‌كارییان و هه‌ماهه‌نگییا باش یا دگه‌ل كۆمیسیۆنا بلندا هه‌لبژارتنێن عیراقێ ژ پێخه‌مه‌ت ب ڕێڤه‌برنا پرۆسه‌یا هه‌لبژارتنان.
سه‌رۆكێ حكومه‌تێ ئاماژه ب گرنگییا كرنا هه‌لبژارتنان د سه‌قایه‌كێ ئازادانه و دادپه‌روه‌رانه‌دا و دوور ژ بنپێكرن و سه‌خته‌كارییان كر، بۆ ڤێ مه‌ره‌مێ ژى دووپاتى ل گرنگییا ڕۆلێ نه‌ته‌وه‌یێن ئێكگرتى و چاڤدێرێن نێڤده‌وله‌تى كر، كو پێدڤییه ب شێوه‌یه‌كێ كارا چاڤدێرییا پرۆسه‌یا هه‌لبژارتنان بكه‌ن، بۆ هندێ ب شێوه‌یه‌كێ پاقژ و بێلایانه بهێنه‌كرن.
