وەزارەتا خواندنا بلند و ڤەكۆلینێن زانستی بڕیارەك بەلاڤكر و ڕاگەهاند، وەرگرتییێن خواندنا بلند( دبلۆما بلند، ماستەر و دكتورا) یێن سالا 2023-2024ـێ یێن ل زانكۆییێن هەرێما كوردستانێ كو خواندنا وان هاتییە پاشئێخستن، دشێن دەست ب خواندنا ئەكادیمی بۆ سالا 2024-2025 بكەن.
ل دویڤ بڕیارا وەزارەتا خواندنا بلند، دەستهەلات هاتییەدان ب زانكۆیان كو دەست ب خواندنێ بكەن ل دەستپێكا 2024 – 2025ـێ ل دویڤ شیانا كولیژ و پشكان ب مەرجێ پەیرەوكرنا ڕێنماییێن سەرپەرشتیكرنێ و ستافێ وانەگۆتنێ و هەبوونا تاقیگەهـ و پێدڤییێن زانستی، هەروەسا دشێن مفای ژ ستافێ وانەگۆتنێ و سەرپەرشتییێ یێن زانكۆیێن دی یێن حكومی ل هەرێما كوردستانێ بهێتە وەرگرتن.
هەروەسا گۆرەی بڕیارا وەزارەتا خواندنا بلند، ئەگەر كۆلیژ یان پشك نەشییا دەست ب پرۆسەیا خواندنێ بكەت ل دویڤ وان ڕێنماییێن هاتینە ئاماژەكرن خواندنا ئەڤسالە بۆ سالا 2025-2026ـێ دێ هێتە پاشئێخستن.
