مەسرور بارزانی، سەرۆكێ حكومەتا هەرێما كوردستانێ پێشوازی ل عەلی موحسن عەلاق، پارێزگارێ بانكا ناڤەندی یا عیراقێ كر.
د كۆمبوونێ دا سەرۆکوەزیران تیشك ئێخستە سەر چاکسازییێن بوارێ بانکی ل هەرێما کوردستانێ، هەروەسا ئاماژە ب پرۆژێ ( هەژمارا من ) کر کو هەتا نوكە زێدەتر ژ نیڤ ملیۆن مووچەخۆرێن کەرتێ گشتی تێدا هاتینە تۆمارکرن و پێشبینی دهێتەكرن د هەیڤا بهێت دا مووچێ دوو سەد هزار کەسان ب ڕێیا ( هەژمارا من ) بهێتەدان.
هەردوولا د هەڤڕابوون ل سەر گرنگییا بەردەوامبوونا وی پرۆژەی و پشتەڤانی و چاڤدێرییا بانکا ناڤەندی.
ژلایێ خۆ ڤە سەرۆکێ حکومەتێ سوپاسییا عەلی عەلاق كر بۆ پشتەڤانیكرنا وی یا تایبەت ل پرۆژەی و چاکسازییێن بانکییێن حکومەتا هەرێما کوردستانێ، هەروەسا بەحس ل گەشەکرنا خواستا دامەزراوێن دارایی یێن ناڤخۆیی و نێڤدەولەتی بۆ هەماهەنگی و پشتەڤانییێ ل ستراتیژییا حکومەتا هەرێمێ د بوارێن داراییدا کر.
پێنگاڤێن ب دیجیتالکرنا بانکان، تەوەرەکێ دی یێ گوتوبێژان بوو.
