<h3 style="text-align: justify;"><span style="font-size: 18pt;">هنارتییێ نهتهوهیێن ئێكگرتى ل عیراقێ پهیامهك بۆدهستپێكرنا بانگهشهیا ههلبژارتنێن پهرلهمانێ كوردستانێ بهلاڤكر و تێدا دیاركر، ئهو گرنگییێ ب بهردهستكرنا ژینگهههكا ئارام بۆ ههوا بانگهشهیا ههلبژارتنان دكهن و پشتهڤانییێ ل ههلبژارتنێن دادپهروهر و شهفاف دكهن.</span> <span style="font-size: 18pt;">هنارتییێ یونامییێ دیاركر، ئهو دووپاتییێ ل گرنگییا بهردهستكرنا ژینگهههكا ئارام بۆ ههوا بانگهشهیا ههلبژارتنان دكهن، كو دووربیت ژ توندوتێژى و ئێك و دوو شكاندنێ، ههروهسا پشكدار ههڤركییهكا ئاشتییانه بكهن، داكو دهنگدهر بشێن ب هشیارى بریارێ ل سهر سندۆقا دهنگان بدهن.</span> <span style="font-size: 18pt;">یونامییێ داخواز ژ بهربژار، كارهكتهرێن سیاسى و میدیایى كر، پشكدارییێ د بهردهستكرنا ژینگهههكا گشتگیر و دانوستاندكرنێدا بكهن، بۆ هندێ ههلبژارتن د باوهرپێكریبن، گهلهك یا گرنگه ژینگهههكا سلامهت بهێته دابینكرن، پێشوازییهكا باش ل بهربژار و دهنگدهران بهێتهكرن، ب تایبهتى كو گهلهك جاران پرۆسهیێن ههلبژارتنان ڕووبروو ئاستهنگێن جۆدا دبن.</span> <span style="font-size: 18pt;">دڕاگههاندنێدا هاتییه، ههر ناكۆكییهكا پهیوهندى ب ههلبژارتنانڤه ههبیت، پێدڤییه ب ڕێیا میكانیزمێن ل بهر دهست بهێته چارهسهركرن، ب تایبهتى ئهو میكانیزمێن ژلایێ كۆمیسیۆنا ههلبژارتنانڤه هاتینه دانان، یونامى دێ ل سهر پشتهڤانیكرنا پرۆسهیا ههلبژارتنێن دادپهروهرانه و شهفاف یا بهردهوامبیت، كو ڕهنگڤهدانا خواستا خهلكێ كوردستانێ بیت.</span></h3>
