مه‌سرور بارزانی، سه‌روکێ حکومه‌تا هه‌رێما کوردستانێ، ل گه‌ل سه‌رۆک و ئه‌ندامێن لژنا دارایی یا په‌رله‌مانێ عیراقێ کومبوو.
سه‌روکوه‌زیران مه‌سرور بارزانی راگه‌هاند، هه‌رێما کوردستانێ پابه‌نده ب جهئینانا ئه‌رکێن خوە و داخوازا پاراستنا مافێن خوە دکه‌ت وه‌ک د ده‌ستوورێ داهاتی. دیارکر، ئه‌گه‌ر نیازپاکی و رێزگرتن ژ ئێک و ئێک و به‌رچاڤگرتنا سیسته‌ما فیدرالی و قه‌وارێ ده‌ستووری یێ هه‌رێما کوردستانێ هه‌بیت، کێشه دێ ب ساناهی چاره‌سه‌ر بن.
مه‌سرور بارزانی دووپات کر، کو هه‌رێما کوردستانێ، پابه‌نده ب جهئینانا ئه‌رکێن خوە و داخوازا پاراستنا مافێن خوە دکه‌ت وه‌ک د ده‌ستوورێ داهاتی و پێدڤییه ماددێن ده‌ستوورێ، هه‌می وه‌ک خوە و وه‌ک ئێک پاکێج بهێنه جێبه‌جێکرن.
مه‌سرور بارزانی دیارکر، کو نابیت مووچه و شایسته‌یێن دارای یێن هه‌رێما کوردستانێ وه‌ک کارته‌کا سیاسی و فشارێ بهێنه بکارئینان، له‌وما پێدڤییه ب شێوه‌یه‌کێ دادپه‌روه‌رانه ره‌فتار دگه‌ل هه‌رێما کوردستانێ بهێته کرن و وه‌ک هه‌می ده‌ڤه‌رێن دی یێن عیراقێ، ماف و شایسته‌یێن دارای یێن هه‌رێما کوردستانێ بێی چ ئاسته‌نگ و گرفت بهێنه دان و هه‌روه‌سا د دامه‌زراندنا فه‌رمانبه‌رێن نوی دا، پێدڤییه هه‌رێما کوردستانێ ژی وه‌ک هه‌می به‌شێن دی یێن عیراقێ، ل گور یاسایا بودجا فیدرال، مافێ دامه‌زراندنا فه‌رمانبه‌رێن نوی هه‌بیت.
