مەسرور بارزانی، سەرۆکێ حکومەتا هەرێما کوردستانێ پێشوازی ل ئەلبرێشت فۆن ڤیتکە كونسۆلێ گشتیێ نوی یێ ئەلمانیا ل هەرێما كوردستانێ کر، سەرۆکێ حکومەتێ پشتەڤانییا حکومەتا هەرێما کوردستانێ بۆ کونسۆلێ گشتییێ ئەلمانیا دووپاتکر و هیڤیا سەرکەفتنێ د كارێ وی دا بۆ خواست.
کونسۆلێ گشتییێ ئەلمانیا، ئامادەییا وەلاتێ خۆ بۆ پێشكەفتنا زێدەتر یا پەیوەندییان ل گەل هەرێما کوردستانێ دیاركر، د تەوەرەكێ دی دا بەحس ل سەرکەفتنا پرۆسەیا هەلبژارتنێن پەرلەمانێ کوردستانێ کر كو د سەقایەكێ ئارام و دیموکراتیدا هاتە ئەنجامدان سەرەڕای هەبوونا هندەك ئاریشەیێن تەکنیکی و بێبەهركرنا ژمارەیەکا زۆر یا دەنگدەران د مافێ دەنگدانێدا. هەردوولا د هەڤڕابوون ل سەر گرنگییێ ب ڕێکارێن پێكئینانا کابینەیا نوی یا حکومەتێ د زویترین دەمدا، ژ پێخەمەت خزمەتکرنا زێدەتر یا وەلاتییێن هەرێما کوردستانێ.
