<h2>نڤیسین : فهوزى بههجت گەلەک جاران من گۆتیە و دێ هەر بێژم ژى، ئەم کورد نەتەوەیەکا دەردەسەر و بێ شانسین و هەر دەردەسەرییەك و نەخۆشییەك هەبیت دێ ب سەرێ مەرا شکێت و دل و دەروونێ مە ژ ئێشان و نەخۆشى و دەردەسەرییێ پڕە، لەوڕا ئەگەر خۆشییەك یان ژى دەستکەڤتەك بۆ مە بهێت دل و ڕح و گیانێ مە پڕدبیت د خۆشییێدا و چاڤێن مە خۆ ناگرن ژ ڕوندکێن کەیفێ، و هەر قولاچەکا دونیایێ کوردەك هەبیت و یێ سەرکەڤتى بیت ژ هەموو لایانڤە دێ دژایەتییا وى هێتە کرن و دێ هێتە ئێشاندن و شکاندن. ئێك ژ وان نموونا کو کورێ کوردستانێ (مسعود میڕاڵ ) ڕاهێنەرێ یانا دهۆك، کو گەنجەکێ کوردە و کوردستانییە و سەرکەڤتییە و هەموو بزاڤكرینه کو ناڤێ دهۆك و کورستانێ ل جیهانێ بلند بکەت و ئەو کر یا وى ڤیای و ناسناڤێ کەنداڤى بۆ دهۆکى ئینا، بەلێ مخابنیڤە دژایەتییا وى هاتە کرن هەتا کو بڕیارا دووماهییێ دای و نەمینیته ل دهۆکێ و کوردستانێ، دبیت ڕاهێنەرى هندەك شاشى کربن لێ بەرامبەرى وى سزایێ توند نەبوو، ئەڤە بۆ مە ئاشکرا دکەت کو عیراق بۆ دهمهكێ درێژە ئەڤ پیلانە دانای داکو ڕاهێنەرێ یانا دهۆك دویربێخن ژ بەرکو گەنجەکێ کوردە و ڕاهێنەرێ یانەیەکا کوردییە و یێ سەرکەڤتییە و ژ یانێن خۆ د ترسیان. مسعود میڕاڵ پەیاما گەنجێن کورد گەهاندە جیهانێ، چونکى گەنجێ کورد حەش درەوا و فێلبازى و مەلاقییا ناکەن، بەلکو د ڕاست و دروستن و خەلەتیێ و نەحەقیێ قەبیل ناکەن، هەروەکى میڕاڵى د گۆتنەکا خۆدا دبێژیت ( ئەم نەحەقییێ ل کەسێ ناکەین و ناهێلین کەس ژى نەحەقیێ ل مە بکەت) . میڕاڵى یانا دهۆك کرە د دلێ هەموو خەلکێ کوردستانێدا، و 80% ژ خەلکێ هەرێما کوردستانێ ب گشتى و پارێزگەها دهۆکێ ب تایبەتى حەژێکەرێن وەرزشى و یانا دهۆك نەبوون، بەلێ پشتى بەرپرسیارەتییا وى وەك ڕاهێنەر بۆ یانا دهۆك، 100% ژ کچ و کور و زارۆك و ژن و زەلام هەتا کو دانعەمرێن ڤى باژێرى کرنە حەژێکەرێن یانا دهۆك، و لاڤایێن سەرکەڤتنێ بۆ کورێن کێلیا شەدا و فرعینى دکرن . نورمالە ڕاهێنەر و یاریزان پەیوەندییێ ب یانێن جودا بکەن بەلێ ئەو کاریسەیە دەمێ ب غەدر و زۆلم و ب نەخۆشى بچن، لەوڕا ئەم هیڤیدارین کو ژ بڕیارا خۆ لێڤەبیت و بمینیت وەك ڕاهێنەر و بزاڤێن باشتر بکەت د وەرزێ بهێتدا کو ناسناڤێ عیراقێ وەربگریت، داکو دلێ نەحەزێن وى خۆش نەبیت و سەرشور بمینن، نە کو ڤێ یانێ و ڤى باژێرى بجهـ بهێلیت و نەحەزێن وى کەیف خوش ببن ب چوونا وى..</h2>
