ئیسپانیا دێ وەبەرهێنانێ ل کوردستانێ دا كەت

دەستەیا گشتی یا وەبەرهێنانێ ل حكومەتا هەرێما کوردستانێ دیار كر: بەرهەڤی بۆ ئەنجامدانا کۆڕبەندەكێ هەڤپشكێ وەبەرهێنانێ ل گەل ئیسپانیا دەستیپێکرییە و بڕیارە ل سالا بهێت ئەو كۆربەندە ل مەدریدا پایتەختێ ئیسپانیا بهێتە گێران.

وەسا بڕیارە ل هەیڤا نیسانا سالا بهێت، ل باژیرێ مەدریدێ پایتەختێ ئیسپانیا، کۆڕبەندێ هەڤپشكێ دناڤبەرا وەبەرهێنەرێن هەرێما کوردستانێ و ئیسپانیا بهێتە ئەنجامدان” ئارمانجا سەرەکی یا وی ئەم کۆڕبەندی، ئەنجامدانا ڕێککەفتن و لێکتێگەهشتنێن نوونە دناڤبەرا هەردو ئالییان دا، ب تایبەتی ل سەر بنەمایێ وێ ئەزموونا کۆمپانیێن ئیسپانی ل هەرێما کوردستانێ دا هەین د وارێ بجهئینانا پڕۆژێن بازرگانی، پیشەسازی و چاندنێ.

بەرگەشت ئاکرەیی، پەیڤدارێ دەستەیا وەبەرهێنانێ ل هەرێما کوردستانێ دیار كر: بەرهەڤییان دەستیپێکرییە و ئەو کۆڕبەندە ل هەیڤا نیسانا سالا بهێت دێ هێتە گێران” ڤی کۆڕبەندی تایبەتمەندییا خۆ هەیە و ب تنێ بۆ وەبەرهێنەرێن هەرێما کوردستانێ و ئیسپانییە و وەبەرهێنەرێن چ وەلاتێن دیتر پشكدار نابین” هەروەسا نێزیکی 60 وەبەرهێنەرێن ناڤخۆیی یێن هەرێما کوردستانێ دێ پشكدارییێ د وی کۆڕبەندیدا کەن و بڕیارە چەندین ڕێککەفتن و لێکتێگەهشتن، ب تایبەت د وارێن پیشەسازی و چاندنێ دا بهێنە ئیمزا كرن، ل گەل هندێ پار کۆمپانیەکا ئیسپانی پڕۆپۆزەل بۆ ڕاکێشانا هێلا شەمەندەفەرێ ل هەرێما کوردستانێ پێشکێش کرییە.