ئەحمەد موسا، پەیڤدارێ وەزارەتا کارەبێ ڕاگەهاند، ئەو چاڤەڕێ دکەن د سێ سالێن بهێندا، ب ڕێیا پرۆژەیێن وزەیا ڕۆژێ و گرێدانا کارەبێ ب وەلاتێن کەنداڤی 14 هزار مێگاواتێن کارەبێ ل سەر تۆرا نیشتیمانی زێدەببن، د قووناغا ئێكێدا حەفت هزار مێگاواتێن کارەبا ژ وزەیا ڕۆژێ، ل دووێ، د سێ سالان دا دێ گەهیتە 12 هزار مێگاواتان، چار هزار مێگاواتێن كارەبێ دێ ژ وێستگەهێن گازێ هێنە بەرهەمئینان.
پەیڤدارێ وەزارەتا کارەبێ دیاركر، كارێن پرۆژەیێ گرێدانا كارەبێ ل كوێتێ 95%ـێ و ل بەسرا 100%ـێ ب دووماهی هاتینە، د قووناغا ئێکێدا ل سەرێ سالا بهێت دێ 500 مێگاواتێن کارەبێ ژ وەلاتێن کەنداڤێ هێتە زێدەکرن، د قووناغێن دووێ و سێیێدا دێ گەهیتە دوو هزار مێگاواتان.
