ئیدارەیا دۆنالد ترەمپی، سەرۆکێ ویلایەتێن ئێکگرتیێن ئەمریکا، ئەڤرۆ شەمبیێ ڕاگەهاند: نیکۆلاس مادۆرۆ، سەرۆکێ دەستەسەرکریێ ڤەنزویلا و هەڤژینا وى، ژبەر دۆسیەیێن تیرۆرێ و بازرگانیکرن ب ماددێن بێهۆشکەر، دێ ڕووبڕوو توندترین سزایێن یاسایی ل ناڤ ئەمریکا بن.
پامیلا بۆندی، وەزیرا داد یا ئەمریکا، ل سەر هەژمارا خۆ یا تایبەت ل تۆڕا جڤاکیا (ئێکس) بەلاڤکرییە، کو مادۆرۆ و هەڤژینا وی د ڤان نێزیکان دا ل سەر ئاخا ئەمریکا و ل بەردەم دادگەهێن فیدرالی ئامادە دبن، داکو ڕووبەڕووی دادپەروەریا ئەمریکا ببنەڤە.
وەزیرا داد یا ئەمریکا ئاماژە ب وێ چەندێ ژی کرییە، ئەڤ هەردو هەڤژینە ل دادگەها فیدرالیا نیویۆرکێ هاتینە تۆمەتبارکرن ب پیلانگێڕی د چارچۆڤێ تیرۆرا گرێدایی ب ماددەیێن بێهۆشکەر و هەولدان بۆ هاوردەکرنا بڕەکا زۆر یا کۆکایینێ بۆ ناڤ ئاخا ئەمریکا.ش
