دانەگاز و هەڤپشكێن وێ دێ گازا پاقژ بۆ پیشەسازییێن هەرێما کوردستانێ دابین کەن

کۆمپانیا دانەگاز و هەڤپشکێن وێ، د چارچۆڤێ کۆنسێرتیۆما پێرل پێترۆلیەم دا، گرێبەستەکا گرنگ بۆ دابینکرنا گازی سروشتی بۆ پیشەسازیێن هەرێما کوردستانێ ئیمزا کر” ئەڤ گرێبەستە پیشەسازییێن کیمیایی، بەرهەمئینانا چیمەنتۆیی و ئاسنی ب خۆڤە دگریت.
ڤێ پێنگاڤێ دێ کارتێکرنەکا گەلەک مەزن ل سەر هەرێما کوردستانێ هەبیت، چونکی گازا سروشتی وەک سۆتەمەنیەکا پاقژتر بۆ ڤان کارگەهان دهێتە هژمارتن ب هەڤبەركرن ل گەل گازوایل، نەفتا رەش و مازۆتێ.
ل نیڤا دووێ یا سالا بهێت دێ دەستپێکەت و بۆ ماوێ ١٠ سالان دێ یا بەردەوام بیت و پیشەسازییێن هەرێمێ دێ رۆژانە نێزیکی ١٤٢ ملیۆن پێیێن سێجا کرن و ئەڤ گازە ل کێلگەها گازێ یا چەمچەمال دهێتە بەرهەمهێنان، کو نوکە د قووناغا پێشڤەبرنێ دایە” هەروەسا ژ لایێ کەرتێ تایبەت ڤە، بۆرییەکا گازێ ب درێژاهییا ٤٠ کیلۆمەتران ژ کێلگەها چەمچەمال بەرەڤ دەڤەرا پیشەسازی یا بازیان دهێتە ڕاکێشان.
گرێبەستا فرۆتنا گازێ ل گەل کارگەهێن چیمەنتۆیێ ل دەڤەرا بازیان ل پارێزگەها سلێمانیێ هاتییە ئیمزا کرن، ژ وان ژی:
کارگەها چیمەنتۆیا ماس” کارگەها چیمەنتۆیا بازیان” کارگەها چیمەنتۆیا دێلتا” کارگەها چیمەنتۆیا گاسن” کارگەها چیمەنتۆیا سلێمانی.
هەروەسا گرێبەستا فرۆتنا گازێ ل گەل کارگەها ئاسنێ ڤان هاتییە ئیمزا كرن” كو دکەڤیتە پارێزگەها هەولێرێ.