نێچیرڤان بارزانی، سهرۆكێ ههرێما كوردستانێ پهیامهك بهلاڤكر و ڕاگههاند، ڕێككەفتنا 11ـێ ئادارێ مهزنترین دهستكهڤتێ سیاسی و قانوونی بوو، وەكو ئێکەم بەلگەنامەیا فەرمییا دانپێدانانێ ب مافێن گەلێ کوردستانێ د دیرۆکێدا هاتە تۆمارکرن، بوو بنەمایێ هەموو دەستکەڤتێن باشتر یێن هەرێما کوردستانێ.
سهرۆكێ ههرێما كوردستانێ دیاركر، رێککەفتنا 11ـێ ئادارێ ب تنێ دەستکەڤتەکا نەتەوەیی نەبوو، بەلکو نەخشەرێیەکا درست و نموونەیی بوو بۆ چەسپاندنا ئاشتی و پێکڤەژیانێ ل عیراقێ، دووپاتییێ ل ئێکڕێزی و تهڤاهییا دناڤبەرا لایەنێن کوردستانێدا كر وەكو تاکە گەرەنتی بۆ پاراستنا قەوارەیێ فیدرالی و دەستکەڤت و مافێن كوردان یێن دەستووری.
دووپاتی ل هندێ كر، ئەڤ رەوشا ئالۆز مە فێر دکەت کو پێدڤییە هەموو لایەك ب هەستیاری و بەرپرسیارەتیڤە سەرەدەرییێ بکەت، ئاریشهیان ب شێوەیەکێ ئاشتییانە چارەسەربكهن و ڕێگرییێ ل بەرفرەهبوونا زێدەتر یا ئالۆزیان بگرن، ل عێراقێ ژی پێدڤییە هەموو سهربوورێ ژ دیرۆکێ وەربگرن و بزانن جێگیری ب ئێکدوقەبوولکرنێ و چەسپاندنا سیستەمێ فیدرالی و دادپەروەرییێ دهێتە دیارکرن.
