نێچیرڤان بارزانی، سەرۆکێ هەرێما کوردستانێ د پەیوەندییەكا تەلەفۆنیدا دگهل تۆم بێریندسن، وەزیرێ دەرڤە یێ هۆلەندا، دانوستاندن ل دۆر دووماهی پێشهاتێن شەڕی و رەوشا ئالۆز یا دەڤەرێ كرن. هەردوو لایهن د هەڤڕابوون، كو پێدڤییە هەموو بزاڤ بهێنە کرن بۆ راگرتنا شەڕی و چارەسەرکرنا ئاشتیانە یا ئاریشان، ژبەر کو کارتێکرنێن مەترسیدار ل سەر ئارامی و ئابوورییا دەڤەرێ و جیهانێ ههیە.
نێچیرڤان بارزانی سوپاسییا وەلاتێ هۆلهندا کر بۆ پشتەڤانییا وان یا بەردەوام بۆ هەرێما کوردستانێ، وەزیرێ دەرڤە یێ هۆلەندا دلگرانییا وەلاتێ خۆ و ئێکەتییا ئەورۆپا ژ بەرفرەەبوونا شەڕی دیارکر و دووپاتی ل سەر پاراستنا ئارامییا عیراقێ و هەرێما کوردستانێ کر.
هەروەسا د پشکەکا دی یا پەیوەندیێدا، بەحس ل کارتێکرنا شەڕی ل سەر هەرێما کوردستانێ، پەیوەندیێن هەولێر و بەغدا، و گرنگییا دویرخستنا عیراقێ ژ ناڤ ئاگرێ شەڕی هاتە کرن و ههردوو لایان دووپاتی ل سهر هندێ كر، كو پێدڤییه ههموو بزاڤ بۆ ڕاگرتنا شهڕی بهێنهكرن.
