<h2>ژ پێخەمەت رێكخستنا پەیاما میدیایى و گەهاندنا راستییان و قەبارێ وان تاوانێن مرۆڤایەتى یێن بەرامبەر هەرێما كوردستانێ دهێنە ئەنجامدان، فەرمانگەها میدیا و زانیارى یا حكومەتا هەرێما كوردستانێ، ئەڤرۆ ئێكشەمبى 29ى ئادارا 2026، كۆمەكا رێكار و رێنمایێن نوو بۆ رۆمالكرنا جهێن زیانڤێكەفتیێن سڤیل بەلاڤكرن.</h2> <h2>ئارمانج ژ ڤى پێنگاڤێ نیشاندانا وێنەكێ پیشەییانە یێ روودانانە بۆ جیهانێ و جڤاكێ نێڤدەولەتى، بۆ ڤێ مەرەمێ ژى، فەرمانگەها میدیا و زانیارى داخوازێ ژ هەموو دەزگەهێن راگەهاندنێ و سایتێن نووچەیان دكەت یێن كو دڤێت رۆمالكرنا مەیدانى بۆ وان جهان بكەن، پابەندى رێنمایان بن.</h2> <h2>پێدڤییە ئەو تیمێن میدیایى یێن حەزا رۆمالكرنێ هەین، ناڤێن تیمێن خۆ ل فەرمانگەها میدیا و زانیارى تۆمار بكەن.</h2> <h2>هەروەسا دڤێت پێشوەخت رەزامەندییا فەرمى وەربگرن داكو بشێن ل جهێ روودانان كارێن خۆ ئەنجام بدن.</h2> <h2>ئەڤ بڕیارە د چارچووڤێ بزاڤێن حكومەتا هەرێما كوردستانێ دایە بۆ پۆلینكرن و ب دۆكیۆمێنتكرنا زیانێن مرۆڤى و ماددى ب شێوەكێ زانستى و پیشەیى، داكو خزمەتا دۆزا رەوایا گەلێ كوردستانێ ل ئاستێ نێڤدەولەتى بكەت.</h2>
