هنارتیا تایبەت یا سکرتێرێ گشتییێ نەتەوەیێن ئێكگرتی ل عیراقێ دیاركر، پشتی ئەنجامدانا هەلبژارتنێن جڤاتا پارێزگەهان، هێشتا پارێزگەها دیالە و کەرکووك پارێزگار بۆ نەهاتینە دیاركرن و دڤێت ب لێكتێگەهشتن بهێتە چارەسەركرن.
جینین پلاسخارت، هنارتیا تایبەت یا سکرتێرێ گشتییێ نەتەوەیێن ئێكگرتی ل عیراقێ د دەمێ پێشكێشكرنا دووماهی ڕاپۆرتا خۆ ل سەر ڕەوشا عیراقێ ڕاگەهاند، عیراق وەلاتەكێ جیوازە ژ 20 سالان بەری نوكە، عیراق پێنگاڤێن باش دهاڤێژیت، بەلێ هێشتا ئاریشە هەنە و سازییێن وەك پێدڤی نینن، دڤێت گهۆرین ل عیراقێ بهێنە كرن.
جینین پلاسخارت باس ل هەلبژارتنێن پەرلەمانێ کوردستانێ کر و گۆت:” مە دڤێت هەلبژارتنەكا ڕوون و باش بهێتەكرن و هەمی پارت تێدا پشكدارییێ بكەن، هیڤیدارم د چەند ڕۆژێن بهێتدا دەمەكێ نوی بۆ هەلبژارتنێن پەرلەمانێ كوردستانێ بهێتە دیاركرن و د چار هەیڤێن بهێتدا نەبووریت و ب وی مەرجی كۆرسییێن كۆتا بۆ پێكهاتەیان ڤەگەڕن”.
