ل سەلاحەددین سەرۆك مەسعود بارزانی ئەڤرۆ پێشوازی ل شاندەكێ پەرلەمانێ نەرویج کر کو پێکهاتبوون ژ ئەسمۆند ئوکروست و مانی حوسەینی پەرلەمانتارێن نەرویج ل پارتی کارێ نەرویجی.
د دیدارێدا شاندێ پەرلەمانێ نەرویج بەحس ل وی ڕۆلی كر كو وەلاتێ وان ل شەڕێ دژی تیرۆرێ و هەروەسا کاروبارێن هەلگرتنا مینان ل دەڤەرێن کوردستانێ و هاریكارییێن ڕێکخراوێن نەحکومی یێن هەرێما کوردستانێ کر. شاندێ مێهڤان دووپات ل دۆستایەتی و پەیوەندییێن دناڤبەرا گەلێ نەرویج و گەلێ کوردستانێ کر و دیاركر وەلاتێ وان پشتەڤانییێ ل سەقامگیرییا هەرێما کوردستانێ كر.
سەرۆك بارزانی سوپاسییا گەل و حکومەتا نەرویج کر کو ل شەڕێ تیرۆرستاندا هاریكارییا هێزێن پێشمەرگەیێ کوردستانێ كرییە و ڕۆلێ بەرچاڤ یێ حکومەتا نەرویج د هاریكارییا لایەنێن پەیوەندیدار یێن هەرێمێ بۆ هەلگرتنا مینان ل کوردستانێ بلند نرخاند.
ڕەوشا سیاسیی عیراق و دەڤەرێ و پەیوەندییێن دناڤبەرا حکومەتا هەرێمێ و حکومەتا عیراقا فیدڕال و هەروەسا هەلبژارتنێن پەرلەمانێ کوردستانێ د هەیڤا بهێت دا تەوەرەكێ دی یێ كۆمبوونێ بوون.
