سهرۆك بارزانی د ههڤپهیڤینهكێ دا ل گهل كهنالێ شهمس دیار كر: ئەز ل دژی بکارئینانا پەیڤا کێمینەمە، چەند سالان بەری نوکە من سەرەدانا پەرلەمانێ کوردستانێ کر و داخواز ژ وان کر کو ل شوینا ڤێ پەیڤێ، پەیڤا “پێکهاتە” بهێتە بکارئینان” ههروهسا من شیرەت ل مەزلوم عەبدی کر کو چ جاران بێ هیڤی نەبیت، بەلکو پەنایێ ببەتە بەر دیالۆگێ و دەست ژ هەر کاریگەریەکا دەرڤە بەردەت و گاڤان بهاڤێژیت بۆ ئێکگرتنا گۆتارا کوردی ل سوریا” دیسان هەرێما کوردستانێ شیان هەنە رۆلەکێ گرنگ د پرسا کوردی دا ل سوریێ دا بگێریت، ب تایبەتی د ئێکگرتنا گۆتار و هەلویستێ کوردان دا و هاندانا وان بۆ دیالۆگێ ل گەل دەستهەلاتدارێن نوو یێن سوریا و هاریکاریا وان د وەرگرتنا مفایی ژ ئەزموونا هەرێما کوردستانێ.
سهرۆك بارزانی گۆت ژی: مافێ سەربەخۆیێ خودێ دایە و ئەڤە مافێ کوردانە، کورد هەلناوەشن و دێ مینن، چ دەولەت نەشێن ب رێیا هێزێ پشتەڤانییێ بدەستڤە بینن، لێ هندەک جاران رەفتارێن کوردان دبنە ئەگەرێ لاوازکرنا دۆزا کوردی” ل سالا 1996 ێ” من سەرەدانا قامیشلۆ کر، قامیشلۆ د دلێ مندانە و هیڤیدارم ل نێزیک سەرەدانا قامیشلۆ بکەم و بیرا قامیشلۆ دکەم” ههروهسا گەلەک جاران مە بیر ل پاشڤهکێشانێ ژ بەغدا کرییە، ئەم داخوازا پۆستان ل عیراقێ ناکەین، وەزیرەکێ کورد بێ دەستهەلات نابیت، مه شەراکەتا راستەقینە دڤێتن ههروهسا بۆچی پشكدارییێ د حکومەتەکێ دا بکەین کو را و دەستهەلات نەبیت.
سهرۆك بارزانی ئهو ژی دیار كر: هەلبژارتنا دۆنالد ترامپی وەک سەرۆکێ ئەمریکا، سەردەمەکێ نوویە، ئەز دەستخۆشیێ ل ترامپی دکەم دەمێ گۆتی” دو رەگەز هەنە ئەو ژی نێر و مێ، ئەڤە د قورئانا پیرۆز دا هاتییە کو ب تنێ دو رەگەز هەنە” ههروهسا دەمێ شەرێ داعشێ دەستپێکری، ئەمریکا و هێزێن هەڤپەیمانیا نێڤدەولەتی ب تایبەت ئەمریکا ب رێیا ئەسمانی پشتەڤانییا هێزێن پێشمەرگەیی کر د بدەستڤەئینانا سەرکەفتنێ دا” دیسان دڤێت کورد بزانن کو وان دۆزەک یا هەیی و نابیت پەنایێ ببەنە بەر توندوتیژیێ بۆ بدەستڤەئینانا ڤێ دۆزێ، بهلێ نابیت دەست ژ ڤێ دۆزێ ژی بەردەن، ئاستەنگ گەلەکن، بهلێ ئەڤرۆ یان سوبەهى کورد دێ ئێکگرن.
