دووماهىیا ڤێ حهفتییێ شاندهكێ لژنا دارایى و ئابوورى یا پهرلهمانێ عیراقێ دێ سهرهدانا ههرێما كوردستانێ كهت، بۆدجە و مووچهىێ ههرێما كوردستانێ دێ بابهتێ سهرهكییێ كومبوونان بن.
د. خهلیل غازى دۆسكى، ئهندامێ جڤاتا نوونهرێن عیراقێ، بۆ ئاژانسا خانی گۆت: ژڤانه ل رۆژا سێشهمبی ب شهڤ شاندهكێ لژنا دارایى و ئابوورىیا جڤاتا نوونهرێن عیراقێ بگههیته ههرێما كوردستانێ كو ئێك ژ ئهندامێن شاندى مه، ل رۆژا چارشهمبی ژڤانه ل گهل وهزارهتا دارایى و ئابوورى و وهزارهتێن پهیوهندار كو گرێدایى ب بۆدجه و مووچەیێ ههرێما كوردستانێ ڤه كۆم ببین، مهرهم ژ كۆمبوونێ ئهوه هایداربین ل سهر ئاریشێن دناڤبهرا ههر دو ئالیان دا و دیسان كۆمكرنا پێشنیار و دیتنا رێكێن چارهسهرییێ بۆ چارهسهركرنا ئاریشان.
ههمان ئهندامێ لژنا دارایى ل پهرلهمانێ عێراقێ خواست، كو دانا مووچێن فهرمانبهرێن ههرێما كوردستانێ بهردهوامى ههبیت و تێبینیێن ل سهر لیستێن مووچان بهێنه چارهسهركرن و كار زێدهتر بهرهف چارهسهربوونێ بچیت ههتا لدووڤ وێ رێكکهڤتنا حوكمهتا ههرێما كوردستانێ ل گهل جڤاتا ئابوورییا عێراقا فیدرالی ل حهفتیێن بورى هاتییه ئهنجامدان.
