چار سەرۆکایەتییێن عیراقێ هێرشێن ل سەر هەرێمێ شه‌رمزار كرن

ئه‌ڤرۆ هەر چار سەرۆکایەتییێن عیراقێ هه‌ر ئێك ژ؛ د.لەتیف رەشید، سەرۆککۆمار، محەمەد شیاع سوودانی، سەرۆکوەزیران، هەیبەت حەلبووسی، سەرۆکێ پەرلەمان و فایەق زێدان سەرۆکێ جڤاتا بلندا دادوەری كۆمبوون، د كۆمبوونێدا ب توندی هێرشێن مووشەکی و درۆنی بۆ سەر پارێزگەهێن عیراقێ و ب تایبەت هەرێما کوردستانێ شه‌رمزاركر.

هەر چار سەرۆکایەتییێن عیراقێ دووپاتی ل سەر پشته‌ڤانییا ڕێکارێن حکومەتێ بۆ پاراستنا ئاسایشێ، سەروەرییا ئاخێ، و پاراستنا هنارتییێن دیپلۆماسییان كر و دیاركر، نابیت ئاخا عیراقێ ببیتە جهێ هێرشکرنێ بۆ سەر وه‌لاتێن جیران یان گەف ل سەر ئاسایشا وان.