مەسرور بارزانی ل سالیادا راپەرینا ڕانیا: ڕاپەرین ئێك ژ سەرفەرازترین دەستکەفتێن گەلێ کوردستانێ یە

مەسرور بارزانی، سەرۆكێ حكومەتا هەرێما كوردستانێ ب هەلكەڤتا 35 سالییا ڕاپەرینا مەزن یا سالا 1991ێ یا گەلێ کوردستانێ پەیامەك ڕاگەهاند، گەرمترین پیرۆزباهییان ل گشت کوردستانییان، ب تایبەتی پێشمەرگێن قارەمان و بنەمالێن سەربلندێن شەهیدان دکەم.
ڕاپەرین ئێك ژ سەرفەرازترین دەستکەفتێن گەلێ کوردستانێ یە، کو بەرهەمێ ئێکگرتن و ئێکڕێزییا پێکهاتەیێن جودا جودایێن کوردستانێ بوو، ژ پێخەمەت ڕاپەرین و خەبات و تێکۆشان و قوربانیدانا گەلێ کوردستانێ دا، ئەڤرۆ هەرێما کوردستانێ خودان قەوارە و دامەزراوێن فەرمی و شەرعی یە، کو پێدڤییە ب هەموو ڕەنگەکی پاراستنێ لێ بکەین و پتر پێش بێخین.
هەروەسا دووپاتی ل وێ چەندێ كر، کو ئێکگرتنا گەلێ کوردستانێ، مەزنترین و ب هێزترین دەستكەفتە بۆ مە، ڕاپەرینا ئادارا 1991ێ سەرکەفت و ب ئەنجام گەهشت و دەستکەفتێن ئەڤرۆ ژێ پەیدابوون، دڤی دەمیدا، پێدڤییە گەلێ کوردستانێ پتر ژ هەر دەمەکی پاراستن و داکۆکیێ ل دەستکەفتێن نیشتمانی و نەتەوەییێن خۆ بکەت، ژ پێخەمەت پاشەڕۆژەکا باشتر و پێشکەفتیتر.
بلند و سەرفەرازبیت سالیادا ڕاپەرینا مێژوویی یا 1991ێ. سلاڤ ل گیانێ پاقژێ شەهیدێن ڕاپەرینێ و سەرجەم شەهیدێن کوردستانێ بن، خودایێ مەزن کوردستانێ بپارێزیت.
مەسرور بارزانی سەرۆکێ حکومەتا هەرێما کوردستانێ
2026/3/5